ආශාවක්

කිඳුරු වරලක හිමිකාරියක වී

දිය කිඳුරියක වෙස් ගෙන

මුහුදු පතුලෙහි ගැඹුරටම කාවැදී

සුන්දරත්වය අත් විඳීමට

මටත් තියෙනවා   ආශාවක්

හුදෙක් හීනයක්ම පමණක් වන...

                                                                               - පියුමලි ✍️ - 

කොපි කළ හැකිය; සම කළ නොහැකිය

කොපි කළ හැකි මුත් සම කළ නොහැකිය

මිනිසා උසස් නම් මනසින්

තමන්ගේම පරිකල්පනයක් තිබිය යුතු නොවේ ද?

එසේ තිබේ නම් කොපි කිරීමට ඇති අවශ්‍යතාව  කුමක්ද?

පරිකල්පනයක් නැති තැනැත්තා මිනිසා යන නමට පමණක්
සුදුසු වන්නේ යැයි සිතමි. 

                                                                 -  පියුමලි ✍️ - 

ජීවිතය

සසර නමැති ගමන් මඟෙහි

එක්තරා නැවතුමකි  ජීවිතය; 

තවත් නැවතුම් රාශියකි ඉදිරියට;

සසර නම් කෙළවරක් නැත 

අවබෝධ කරගන්නා තුරු නිවන;

වැඩිය යුතුය කුසල්

නොපමාව;

යහපත් සසරක් 

උදෙසාම. 

                                                         - පියුමලි ✍️ -

ආදරයේ ප්‍රතිමූර්තිය

ජනනියනි ,

ඉඩෝරයට සිසිලසක් ගෙන එන

මහ වර්ෂාව සේ

නුඹද මගේ දිවියට 

සිසිලසක් ගෙන එන

වර්ෂාවක්ම ය.  

                                                               - පියුමලි ✍️ - 

සිතන්නට යමක්

විදුලිය නොමැති

ආහාර ද හිඟ 

දුර්භික්ෂ යුගයකට නැවත පිය නගන්නට 

සිදුවන අද වැනි දිනයක

උගත් පරම්පරාවකට 

රටෙහි දියුණුව උදෙසා කටයුතු කිරීමට

 අතහිත දිය යුතු

කාලයකි  එළඹ තිබෙන්නේ.

                                                      - පියුමලි ✍️ - 

බියුටිකචල්

රතු කර තොල් ලේ උරාබොන 

ඩ්‍රැකියුලෙකුගේ සේ; 

උලා සායම් මුළු මුහුණෙහිම 

ජපන් අභිසරුලියක සේ; 

කැරලි කර කොණ්ඩය 

ක්ෂණික නූඩ්ල්ස් සේ; 

පෙර පෙනුම මොහොතකින් වෙනස් කරන 

මෙය නම්

බියුටිකචල්ම ය. 

                                                          - පියුමලි ✍️ - 

සහෝදර පෙම

 

ගහ මරා ගත්තද

සැමවිට 

එකාට එකා නැතිවම බැරි 

ලොව ඇති

ආදරණීයම බැඳීමකි

සහෝදර පෙම.  

                                                           - පියුමලි ✍️ -